Kríur

1/3 Heldur áfram

Tue, 26 Sep 2006 14:35:11 GMT

Jæja kríurnar munu nú taka hvíld, en ég held ótrauð áfram með heimasíðuna www.primadonnan.bloggar.is sem þið megið endilega kíkja á!

Takk fyrir góðar stundir

Kv. Elín Tinna

Æjæj!

Tue, 15 Aug 2006 00:12:59 GMT

Æj vá ég verð bara þunglynd þegar ég kíki inná þessa síðu. Ég verð bara að koma með eitt oggulítið blogg til að lífga þetta aðeins við.

LÍFIÐ er ljúft þessa dagana. Ég er hætt í vinnunni sem er bara jákvætt og nýt lífsins til hins ítrasta. Ég skellti mér í bústað um helgina í Selvík sem var mjög fínt bara. Svo er nákvæmlega vika í skólann sem er soldið fyndið. Markmiðið er að taka sig rækilega á en hvort það mun takast verður allt að koma í ljós þegar þar að kemur.

:Það helsta sem ég hef gert síðan ég bloggaði síðast var að ég fór til Spánar, nánar tiltekið til Albir sem er bær rétt hjá Benidorm. Það var æðisleg ferð þar sem ég naut lífsins. Ég hékk á ströndinni og í sundlauginni á hótelinu og tanaði, fór á hjólabát út á sjó sem var mjög skrautlegt og náðist það allt á video. Báturinn var með rennibraut og ég ætlaði að renna mér en stoppaði á endanum rétt áður en ég átti að steypast í sjóinn....hún var víst of þurr en þetta tókst í seinna skiptið. Svo vorum við með leikþátt þar sem ég var George og Edda var Josephine og hákarlinn át Josephine George til mikillar mæðu. En já svo fórum við í vatnsleikjagarð og tvisvar í moll þar sem var mjög ódýrt að versla! Síðan var maturinn rosalega góður þarna og bara þetta var æðisleg ferð:)

Svo kom maður aftur til Íslands frekar þungur, aftur á Skattstofuna. En þetta batnaði allt þegar dagarnir liðu, og er gaman að segja frá því að við unnum Val 7-1 núna á fimmtudaginn fyrir verslunarmannahelgina. En sú helgi var frekar róleg, Borgarnes, bústaður og Esjan á sunnudeginum. Á Esjunni villtumst við aðeins og á endasprettinum fórum við í vitlausa átt og okkur fannst dáldið skrítið þegar við vorum farnar að halda dauðahaldi í klettana því smá flækingur í fótunum og við hefðum dottið og mjög líklega látið lífið. Þá tóku einhverjir helv...útlendingar uppá að taka okkur upp og hlæja að okkur...ég steypti hnefanum að þeim og hrópaði: ,,Damn you foreigners"! Og þeir bara: ,,Oh sorry gals..".

En já ég vona bara að þetta hafi aðeins kætt ykkar litla hjarta, því þetta kætti mitt stóra hjarta svo sannarlega:)

Alltílæ bless.....;)

How do I take a bus to the city center??

Wed, 26 Jul 2006 16:02:36 GMT

You just go out here and over the big street and there is a bus stop and all the buses there take you downtown :)

Þetta er ég búin að segja við grunlausa útlendinga í allan dag... Hljómar ágætlega svosem en ég hef ekki hugmynd um hvort að þetta sé rétt. Þannig líkur eru á að hópur af útlendingum sé hringsólandi um í kolvitlausum strætó.

Annars held ég að það séu bara útlendingar í Kringlunni, því ég er bara búin að vera nonstop í tax free og frímerkja sölu og jú auðvitað segja fólki hvernig þau eigi að fara í "city center"

Jæja er farin aftur í Google Earth að leita af húsinu mínu!

Leiterinn á þetta;)

ps. það eru bara 9 dagar í þjóðhátíð!! Shjett :D

Sumarið er tíminn:D

Fri, 21 Jul 2006 13:38:53 GMT

Já það eru 14 dagar í að þessi æðislegi viðburður skelli á. Ég get ekki beðið! En því miður er einn svartur blettur á þessu öllu saman...Ég verð ein á gistiheimilinu því að hinar ákváðu að beilaL Þannig að núna verð ég að finna mér aðra til að koma með mér og ef það gengur ekki þá er það bara tjaldið:/

Svo ef þú hefur áhuga á að koma með mér ágæti lesandi þá er ég með gistiheimili og miða í herjólf og alles!

En svo við snúum okkur að öðru þá hefur verið nóg að gera hjá manni þetta sumar og varla rólegur dagur....

Það helsta:

Grindavík
Fiskvinnsla
Sjómannahelgin
Fótboltaleikir
Djamm
HM hössl
Svíar
Landsmót hestamanna
Papar & Todmobil
Írskir dagar á Akranesi
Meira djamm
Fiskvinnslan góða
Sálin
Vont veður

Framundan:

Gott veður
EYJAR (ef allt gengur upp)
Djamm Djamm Djamm
Sálin
Útilega helgina eftir Verslunarmannahelgina
Skólinn byrjar:/
Og eitthvað fleira junk;)

Svo kemur þjóðhátíðarlagið á eftir og maður bíður bara spenntur:D

Elín kveður að sinni og segir gleðilegt veður og góð ný helgi;)

!

Mon, 10 Jul 2006 11:00:33 GMT

9 dagar!

vá!

Fri, 07 Jul 2006 13:23:09 GMT

Sjáiði húsin sem fræga fólkið á! Shit sko!

http://b2.is/?sida=tengill&id=175363

http://b2.is/?sida=tengill&id=175601

Ég myndi segja að Denzel Washington, Aaron Spelling og Jude Law hefðu vinninginn þótt að öll þessi hús séu sjúk!

húsið hans Aaron Spelling

Denzel Washington!

Jude Law!

Hvað finnst ykkur?

?

Wed, 05 Jul 2006 15:00:25 GMT

Staður: Skatturinn í Reykjavík

Skap: ágætt bara

Gleði: Tveir dagar í helgina

Tilhlökkun: Portúgal-Frakkland í kvöld

Helgin: Skífuþeytir-amma

Augun mín sjá: Skemmtiferðaskip við höfnina

tónlist í eyra: Gnarls Barkley- Crazy

Nú spyr ég:

Hvar er góða veðrið?

Hvar eru svörtu buxurnar mínar?

Er ég að fara til mallorca?

Hvar er Valli?

Gott karma eða hvað???

Thu, 29 Jun 2006 12:44:45 GMT

Nú verð ég að segja eina skemmtilega sögu, hún er reyndar ekkert mjög skemmtileg en hún sýnir hvað ég er roooosalega góð manneskja;D

Fór á leik FH-Grindavík og er í miðasölunni þegar ég sé 1000 kjell á gólfinu og ég sæki hann og spyr fólkið í kring hvort þau eigi hann en enginn kannast við það og kona segir mér bara að eiga hann eeen eins góð manneskja og ég er þá var ég staðráðin að finna eigandann þó ég væri nú til í auka 1000 kall í vasann:P, svo sé ég konu í afgreiðslunni og spyr hvort að hún eigi peninginn og jújú hún á hann. Já maður hlýtur að fá smá gott karma af svona hlutum:)

Leikurinn er samt annað mál og fór ekki alveg eins og skyldi.....

Á morgunn er það bara Íhaaa Kávboj;D Þar sem farið verður á Landsmót Hestamanna og skoðað brokk, tölt, skeið og hitt dótið....

Svona verð ég á morgunn;)

Að lokum ætla ég að deila með einni skemmtilegustu setningu sem ég hef heyrt sem kom víst úr orði eins meðlims "brandarafjölskyldunnar" á Þórshöfn....

"Ég dorgaði yfir sjónvarpinu í gær þannig ég lá andvana í alla nótt"

Flugan í glugganum er dauð!

Thu, 22 Jun 2006 12:59:25 GMT

Bara svo þið vitið þá hefur titillinn á blogginu ekkert með innihaldið að gera!

Ákvað að blogga til þess að halda þessu skriði sem ég og Elín erum á í blogginu.

Það sem af er sumrinu, hefur einkennst af vinnu, horfa á fótbolta, spila fótbolta, og 1-2 allsvakalegum djömmum. Ekki nóg með það að við stelpurnar djömmuðum af okkur rassgatið síðustu helgi heldur fóru nefið og hendurnar með. Gæsun, slökkviliðsmenn og Svíþjóð bar hæst þetta kvöldið.

Nú hafa foreldrar mínir lagt land undir fót í vikufrí til Króatíu. Það þýðir vikufrí frá tuði og nöldri fyrir mig og bróður minn. Ljúfa líf, ljúfa líf, svo ég vitni í texta úr lagi Páls Óskars Hjálmtýssonar.

HM: Ég held að flestir séu sammála mér þegar ég segi að vonbrigði keppninnar séu Frakkarnir. Og Argentína spútniklið keppninnar. Þeir stíga varla feilspor. En það sem mestu skiptir er að þetta er búið að vera geðveik keppni. Og það sem er líka gott er að Frank Lampard fór úr að ofan eftir leik Englands á móti Trinidad og Tobago.

En segjum þetta gott héðan úr stúdiói 103!

RH- þið sjáið kannski þessa stafi á skattkortum og þá var það ég sem bjó þau til!

RH kveður!

Nýjar myndir

Sun, 18 Jun 2006 17:56:46 GMT

Fullt af nýjum myndum komnar!!

þú finnur þær hér til hliðar;)

Fótbolti....Ahh Yeah!!!

Thu, 15 Jun 2006 18:52:46 GMT

Hverjum hefði dottið í hug að ég, Elín Tinna Logadóttir, færi að hafa áhuga á fótbolta. Allaveganna ekki mér en tímarnir breytast og mennirnir með og ég er ekki frá því að ég sé komin með bullandi áhuga á fótbolta!!

Kannski er það ástæðan að ég er stödd í Grindavík alla daga þar sem fótbolti er eitt aðaláhugamálið hér og sjónvarpið er nánast alltaf stillt á Sýn. En kannski er það bara ástæðan að fótbolta gaurar eru svo fokkin heitir!!!

Nefnum dæmi:

Fernando Torres (Spánn)

Thierry Henry (Frakkland)

David Beckham (England)

Fredrik Ljunberg (Svíþjóð) ofl. ofl....

Henyways....

er farin á fótboltaleik;)

Happy Birthday!!!

Mon, 12 Jun 2006 19:39:25 GMT

Já hún Ágústa Sigurrós Andrésdóttir náði þeim merka áfanga í dag að verða 20 ára kjellan. Til hamingju með það:D

Héldum upp á það með viðeigandi herlegheitum í Grindavík núna á laugardaginn. En þessa helgi var akkúrat Sjómannahelgin en þessi helgi er svoldið "Big Deal" í Grindavík. Auðvitað mætti maður þar sem maður er farinn að vinna á staðnum og svoleiðis;) og fór að bryggjuball með Pöpunum á föstudeginum í örlítilli rigningu og eftir ballið á hinn rosalega stað Kaffi Grindavík. Fór svo í Reykjavík á laugardaginn og skottaðist útum allt að leita af afmælisgjöfum handa Björgu og Ágústu. Fann þær svo loksins og ég má til með að monta mig af gjöfinni hennar Ágústu sem var einkar lagleg bjórtrekt:) Því miður missti ég af afmælinu hennar Bjargar en við gerum eitthvað skemmtilegt bráðum í staðinn:)

Afmælið hennar Ágústu var æðislegt þar sem var frítt áfengi, pinnamatur og ég veit ekki hvað. Svo var gleraugna þema í afmælinu og ég krýni sjálfa mig sem sigurvegara gleraugna keppnarinnar þó að þetta var í raun ekki keppni:P Eftir afmælið var haldið í Festi þar sem dansaður var trylltur dans við undirleik Skímó. Allveg pakkað og hitti meira að segja hana Sunnu úr Hvassó;) Eftir að ballið kláraðist, sem var að mínu mati alltof snemma, var haldið á Lukku Láka þar sem maður var fram eftir morgni.

Er að fara að henda inn myndum úr afmælinu og fullt af öðrum myndum núna bráðum:)

p.s. ég er að vinna í fiski ef þið vissuð það ekki.

Yo, later dudes,

Elín Tinna

06.06.06 búinn og enn erum við hér!

Wed, 07 Jun 2006 15:58:12 GMT

..og 07.06.06 genginn í garð. Ég sofnaði rétt eftir Jay Leno í gær sem er rétt fyrir tólf. Ég vissi að það var enn möguleiki á heimsendi! Hversu þreytt þarf manneskja að vera til að sofna vitandi það að heimsendi hefði verið spáð þann dag. Ég hjólaði heim úr vinnunni, og hjólaði síðan á æfingu og í byrjun æfingarinnar áttum við að senda bolta á lofti innanfótar beint í fangið á manninum á móti. Boltarnir mínir fóru ýmist langt yfir eða lengst til hliðar. Ég hafði bara enga stjórn á fótunum eftir þetta hjólerí. Svo eftir púlæfingu hjólaði ég aftur heim. En þetta þýðir bara eitt! Stinnri rass!

Skjár einn endursýnir nú Melrose place. Ég man þegar ég var 7 ára og horfði á þessa þætti á fimmtudagskvöldum með systkinum mínum. Alison, Jake, Michael, Matt, Jane, Peter, Amanda; Taylor, Kimberly, Billy, þau voru mín fimmtudagskvöld! Og ekki má gleyma rössunum í byrjun.

Nú er ég byrjuð að vinna á Skattinum aftur. Ef þið hafið spurningar í sambandi við virðisaukaskattinn þá er ég á símanum á þriðjudögum. Nú er enginn Kristján og engin Dagný. Ef þið heyrið í fréttunum um unga stúlku sem sökkti sér í hafið við höfnina, ekki hafa áhyggjur því það er ekki ég heldur dóttir yfirmanns míns sem er að byrja í röðun á mánudaginn.

Jæja, ég ætla að fara að tía mig heim úr vinnunni, mér er boðið í mat til hennar Bjargar Magneu í kvöld og er henni margt til listana lagt þegar kemur að matargerð.

rass...vá nú er ég búin að segja rass þrisvar í þessari bloggfærslu! Fjórum sinnum!

Bless bless!

Rósa manstu eftir þessum???

Mon, 22 May 2006 16:16:13 GMT

Eurovision

Fri, 05 May 2006 21:20:22 GMT

Jæja núna er að koma að því, söngvakeppni evrópskra sjónvarpsstöðva. Ætti raunar frekar að vera söngvakeppni sjónvarpsstöðva austantjaldslanda miðað við úrslit síðustu ára en ég efast um að eastern-tent vision myndi slá í gegn.

Sylvía Nótt er að fara keppa fyrir Íslands hönd með lagið, Congratulations eða til hamingju Ísland á íslenskunni. Fyrst þegar ég heyrði lagið varð ég hugfangin enda finnst mér Sylvía Nótt frábær en ég held að persónuleikinn sem liggur á baki Sylvíu hafi haft meira áhrif heldur en lagið sjálft. Frábært að senda skemmtiatriði frekar en eitthvað lag sem er með leiðinlega melódíu og væminn texta og var ég ein af þessum 80ogeitthvað þúsund manns sem kusu Sylvíu Nótt áfram í evróvisíon og varð himinlifandi þegar hún sigraði.

En núna rúmum mánuði síðar get ég ekki hugsað mér að hlusta á þetta lag og skipti alltaf um leið og lagið kemur í útvarpinu, ég skil ekki afhverju útvarpsstöðvarnar hvíla lagið ekki aðeins....

Fyndið að ég las að okkur er spáð sigur á einhverjum virtum lista... En ég tel að það þurfi eitthvað mikið að gerast til að við vinnum þessa keppni en Íslendingar eru alltaf jafn vissir um sigur og finna alltaf einhverja lista þar sem okkur er spáð sigur en það endar nú yfirleitt með okkar ástkæra 16. sæti eða bara komast ekki áfram í undankeppninni (gott dæmi: Selma í fyrra)

En þó að ég sé að hrauna hérna yfir Eurovision þá mun ég rétt eins og flestir Íslendingar styðja Sylvíu alla leið með íslenska fánann og syngja Congratulations hástöfum því það jafnast ekkert á við sanna Eurovision stemmingu hvort sem við vinnum eða töpum en við Íslendingar höfum því miður aldrei fengið að upplifa fyrri kostinn og ég tel það ólíklegt að það muni gerast í þessu...